Tag: Story

അവൻ വിശാലമായ പുല്തകിടിയിൽനിന്നു തലപൊക്കി ചുറ്റും നോക്കി. ആധുനികമായ ആ നഗരത്തിന്റെ അഹങ്കാരമെന്നോണം അതിന്റെ ഒത്തനടുവിൽ ഒരു പാച്ചത്തുരുത്. നോക്കെത്താദൂരത്തോളം നീണ്ടുകിടക്കുന്ന അംബരചുംബികളായ സ്പടിക മാളികകളുടെ തിളക്കത്തിൽ നക്ഷത്രങ്ങൾ പോലും നിഷ്പ്രഭമാകുന്നെന്നു തോന്നിയപ്പോൾ ആ നഗരത്തിന്റെ അഹങ്കാരമായ തെരുവിൽകൂടി നടക്കാൻ അതിയായ മോഹം തോന്നി. ഭ്രമിപ്പിക്കുന്ന ഒരുതരം സൗന്ദര്യമുണ്ടായിരുന്നു ആ നഗരത്തിനു. ആരെയും അതിന്റെ വശ്യതയാൽ അത് മയക്കിക്കൊണ്ടിരുന്നു. കുടുംബസമേതം താമസിച്ചിരുന്ന ഗ്രാമം വിട്ട് കുടിയേറിയിട്ടു അധികകാലം ആയില്ലെങ്കിലും ആ വശ്യത ഗ്രാമത്തിന്റെ ചെറു ഓർമ്മകൾ പോലും […]

ഒരുദിവസം രാത്രിയിൽ വളരെ വൈകിയാണ് അവനാദ്യമായി ചിരിയെ കാണുന്നത്. നല്ല നിലാവെട്ടമുണ്ടായിട്ടും മരവിക്കുന്ന തണുപ്പിന്റെ കമ്പളം പുതച്ചിരുന്ന രാവിൽ എവിടെനിന്നെന്നറിയാതെ തന്നോടൊപ്പം കൂടിയത് അവനു പെട്ടെന്ന് മനസ്സിലായില്ല. ചിലപ്പോൾ സൗമ്യമായും ചിലപ്പോൾ തെല്ലൊരു കുട്ടിത്തവുമുള്ള ആ സുഹൃത്തിനെ കണ്ടുമുട്ടിയതിങ്ങനെ ആണ്. നിനച്ചിരിക്കാതെ കടന്നുവരുന്ന ഒരു സുഹൃത്ത്. ആകാശത്തിലെ മേഘങ്ങൾ നീങ്ങുകയും നിലാവെട്ടം തനിക്കുചുറ്റും പരക്കുകയും ചെയ്തപ്പോൾ ആദ്യമായി വളരെ സുന്ദരമായ എന്തോ കാണുന്നതുപോലെ അവന്റെ കണ്ണുകൾ പ്രകാശിച്ചു. പക്ഷെ, തന്റെ സുഹൃത്തിനു മൗനമായിരിക്കാൻ മാത്രമേ പറ്റു എന്ന […]